Државниот завод за ревизија лани доставил седум ревизорски извештаи до Јавното обвинителство, но ниту за еден од нив не добил повратен одговор дали е покрената истрага.
Ревизорските извештаи во кои се утврдени неправилности во финансиското работење и што се доставени во обвинителството се однесуваат на работата на Општина Кочани, Министерството за економија, ЈП „Македонија пат“, Министерството за образование и јавната установа Дом за стари лица „Киро Крстевски-Платник“ од Прилеп“.
Од Јавното обвинителство изјавија дека во текот на денот не можат да кажат дали и како постапиле по извештаите на ДЗР бидејќи се повеќе извештаи и нив ги работат повеќе обвинителства. Информација најавија за следната недела.