Гранит АД Скопје вчера објави ревидирани финансиски извештаи за 2016 година. Објава на финансиски извештаи имаа и Тиквеш АД Кавадарци и Прилепска Пиварница АД Прилеп.
Прва на листата победници денес се најде акцијата на Тетекс АД Тетово со пораст од 13,06 отсто преку само 25 истргувани акции, додека акцијата на ТТК Банка АД Скопје се најде на второто место со пораст од безмалку 2,94 отсто. На спротивната страна со пад од 8,61 отсто водечко место завзема акцијата на Топлификација АД Скопје со само количина од 50 истргувани акции.
На Македонската берза денес беа склучени 48 трансакција во вкупна вредност од 4.05 милиони денари, во целост реализирано преку трансакции со акции. Од вкупниот промет, 908 илјади денари припаднаа на тргувањето со акцијата на Алкалоид АД Скопје по просечна цена од 5.750 денари и реализирани 158 акции .
Вкупниот број на хартии од вредност со кои денес се тргуваше на МСЕ беше 18. МБИ10 падна за 0.07% и денот го заврши на ниво од 2.283,03 поени, додека индексот ОМБ остана непроменет.
