Во понеделник на Македонската берза беше остварен вкупен промет од 14,7 денари, реализиран преку 113 трансакции.
Индексот МБИ10 го продолжи позитивниот тренд зголемувајќи ја својата вредност за 0,14% и достигна 2.288,13 индексни поени, додека ОМБ во негатива за 0,07% и заврши на вредност од 128,86 индексни поени.
Акцијата на Комерцијална банка беше на врвот со промет од околу 4,63 милиони денари и учество од одлични 31,41 % во вкупниот промет. Се истргуваа 1.713 лотови по просечна цена од 2.700,31 денари преку 23 трансакции.
Листата на “милионери” ја надополни и акциијата на Стопанска Банка Скопје со промет од 4,05 милиони денари.
Акцијата на Макошпед АД Скопје денот го заврши со најголем раст на вредноста од 20% со истргувана количина од само 50 акции, веднаш зад неа се најде акцијата на Топлификација АД Скопје со раст од нови 9,47%.
Од обврзниците за денационализација се тргуваше само со РМДЕН15, се реализираше една трансакција во вкупна вредност од скромни 28.379 денари.