Цените на нафтата пораснаа во четврток од најниските нивоа за три недели, благодарејќи на поголемиот од очекуваниот пад на резервите и шпекулациите дека САД би можеле да се повлечат од Договорот за борба против климатските промени.
На лондонскиот пазар цената на барелот порасна 58 центи, на 51,34 американски долари (УСД), додека на американскиот пазар се покачи за 64 центи, на 48,96 УСД.
Одвоено ОПЕК објави дека цената на барелот на референтната кошничка од неговата нафта во среда изнесувала 48,69 УСД, што е 70 центи помалку во однос на претходниот ден.
