Сите берзански индекси на Волстрит во четвртокот скокнаа на нови рекордни нивоа, бидејќи инвеститорите беа охрабрени од подобрите од очекуваното економски показатели.
Dow Jones зајакна 0,65 отсто на 21.144 бодови, додека S&P 500 порасна 0,76 отсто на 2.430 поени, а Nasdaq индексот 0,78 отсто на 6.246 бодови.
Рекордните вредности на сите три индекса се благодарение на растот на цените на акциите во сите 11 најважни сектори, при што предничеа здравствениот и рударскиот сектор, со раст од повеќе од еден отсто.
