Шпанското индустриско производство во март забележа најслаб пад во последните 19 месеци, покажаа податоците кои ги објави државниот завод за статистика.
Сезонски прилагодените податоци на статистичкиот завод покажуваат дека индустриското производство во март е намалено, 19-ти месец по ред, за слаби 0,6 проценти во однос на истиот период од минатата година. Во претходниот месец, производството се намали за ревидирани 6,9 проценти.
Падот беше забавен поради зголеменото производство на капитални стоки, вклучувајќи машини, канцелариска опрема и енергија.
„Бројката силно не изненади, таа е спротивна од останатите показатели…. Ние мора да видиме до кои мерки таа ќе биде одржлива“, изјави стратегот на берзата во Мадрид, Џозе Луис Мартинез.
Според истражувањето на лондонскиот институт Маркит, во април, активностите во шпанскиот индустриски сектор беа намелени 24 месеци по ред, со малку побавно темпо отколку во март.