По неодамнешната проекција во култното берлинско Кино „Бабилон“, вечерва, во познатото Кино „Ентрепот“ во Париз со македонскиот филм „Златна петорка“ се отвора фестивалот SEE à Paris.
Оваа манифестација е посветена на кинематографиите на земјите од Југоисточна Европа. Филмот „Златна петорка“ досега успешно е прикажан на фестивали во Лондон, Сиднеј, Торонто, Бенгалур, Москва, Перуџа, Берлин, Битола, а наскоро ќе има низа регионални фестивалски претставувања, како и промоција во САД.
Во Москва филмот се закити со специјална диплома од жирито, а во Перуџа доби „Златен грифон“ и беше прогласен за најдобар странски филм. В сабота, на 3 јуни, во рамките на фестивалот, режисерот Горан Тренчовски ќе одржи мастер-клас на културолошко-образовниот институт ИНАЛКО (Национален институт за јазици и ориентални цивилизации) во рамките на Универзитетот Сорбона, каде што ќе зборува на темата „Литературата и филмот“.
