Производителите од Јапонија ќе инвестираат вкупно околу 25,5 милијарди долари во развојот на беспилотен транспорт и во создавањето на ново поколонеие еколошки автомобили. Тоа ќе се случи во текот на следната финансиска година, која ќе заврши на 31-ви март 2018-та година.
Суштински дел – 13,4 милијарди долари, ќе потроши најголемиот јапонски автомобилски концерн „Toyota“. Друга компанија – „Honda“, предвидува да одвои 6,7 милијарди долари, што е 9,4% повеќе од износот за минатата финансиска година.
Сериозен раст на инвестициите предвидуваат и во „Subaru“, каде подготвиле 1,2 милијарди долари за создавање на слични технологии. Кај овој производител зголемувањето е со 17,3%. Слични намери имаат уште „Suzuki“ и „Mitsubishi“, додека во „Nissan“ ќе ја одделат истата сума која ја потрошиле и во 2016-та година.
Владата на Јапонија предвидува во 2030-та година секој петти автомобил, движејќи се по патиштата да има систем за автономно движење. Се очекува уште во 2020-та година беспилотните возила да добијат дозвола за движење во одделни области, а во 2025-та година тие ќе формираат целосен внатрешен пазар.
Уште во 2022-ра година во Земјата на изгрејсонцето треба да почнат да се движат колони од беспилотни товарни камиони, а првично тоа ќе се случува само по брзите патишта. Друг важен чекор е користењето на дронови кои ќе обезбедуваат снабдување не само во оддалечените рурални средини, но и во големите градови.
