„Еврозоната би требало да има сопствен парламент и буџет за да се ‘затвори’ јазот помеѓу багатите и сиромашните членки што може да доведе до расцепување на блокот“, изјави денеска европскиот комесар за економски прашања Пјер Московиси.
„Неопходно е еврозоната да има свој буџет, а тоа нема да може без формирање парламент на валутната унија за и потрошувачката да биде предмет на демократската контрола“ – рече Московиси во интервјуто за полскиот дневен весник „Зечпосполита“.
„Длабоката интеграција на еврозоната е ‘апсолутно неопходна за да се потисне разликата помеѓу економиите што ја сочинуваат валутната унија“. Доколку продолжиме да имаме Север кој е богат и Југ кој е во проблеми, тоа во еден момент ќе резултира со отфрлање на европскиот проект“, истакна Московски
Парламентот и буџетот, исто како и извршната власт, односно „министер за финансии на еврозоната“, се неопходни за еврозоната.
Европската комисија планира в среда да претстави анализа за идната интеграција на еврозоната пред консултација со членовите на блокот, додаде тој.
Грција, како членка на еврозоната, со „планина“ од долгови од 180% годишно БДП, се најде на работ да излезе од еврозоната пред да се согласи на болните штедни мерки во замена за добивање средства од меѓународниот пакет за помош.
