Глобалниот пазар на паметни телефони пораснал за 9,1 отсто во првиот квартал оваа година, покажаа податоците на истражувачката компанија за информатички технологии Гартнер, а растот го предводеше тројката на кинески производители.
Светската продажба на паметни телефони во првиот квартал достигна вкупно 380 милиони единици, а водечките три кинески производители на мобилни уреди – Хуавеи, Опо и Виво, заедно имаат удел од речиси четвртина во вкупната продажба, што е раст од седум отсто на годишно ниво.
Гартнер потсети дека Самсунг и Епл сè повеќе се соочуваат со силната конкуренција на кинеските брендови.