Управата на лондонскиот аеродром „Хитроу“ соопшти дека очекува одлагање и откажување на летовите на „Бритиш ервејс“ и им порача на патниците на кои веќе им се откажани летовите, да не доаѓаат на аеродром доколку немаат букирана карта за друг лет, пренесува Ројтерс.
Илјадници патници мораа да направат промени во своите планови поради одложувањето или откажувањето на нивните летови. „Бритиш ервејс“ им се извини на патниците поради глобалниот проблем кој го имаат поради проблем со снабдување со електрична енергија на својот ИТ систем и вети рефундирање на нивните трошоци за букирање нови карти.