Европа се уште треба да обезбеди план за ублажување на должничкиот товар на Грција со цел меѓународниот монетарен фонд да се согласи да обезбеди дополнителни финансиски средства.
Меѓутоа, и двете страни ги „истражуваат сите опции“ и разликите во ставовите се менуваат, изјави портпаролот на ММФ Гери Рајс.
„Сите се оптимистични во поглед на тоа дека договорот може да биде пoстигнат и очекуваат дека до тоа може да дојде на наредниот состанок на еврогрупата на средината на јуни“, изјави Рајс, а пренесува агенцијата Франс прес.
Сепак, остануваат несогласувањата по повод европските прогнози кои се однесуваат на економскиот раст и буџетскиот суфицит на Грција после 2022 година, бидејќи ММФ „бара поголема реалност во предвидувањата“, изјави Рајс пред новинарите.
