Може и никогаш да не сте слушнале за „FANUC“ – најголемиот производител на индустриски роботи во светот. Има голема шанса сепак да поседувате производ создаден од една од неговите 400.000 машини, коментира „Economist“.
Основана во 1956-та година, јапонската компанија за автоматизирани роботи произведува автомобили за „Ford“ и „Tesla“, како и метални куќишта на „iPhone“ на „Apple“. Компанијата се разликува од своите конкуренти во бојата на механичките раце на роботите, кои се обоени во жолта. Фабриките, канцелариите и униформите на нејзините вработени се во иста нијанса.
„FANUC“ во моментов е исклучително „жешка“ компанија. Акциите се поскапеа за 35% за шест месеци до крајот на март, што е двојно повеќе по јапонскиот репер „Nikkei“.
А просперитетниот пазар на роботи покажува мали знаци на забавување. Според „International Federation of Robotics“ продажбата на единицата за индустриски роботи се зголеми за 15% во 2015-та година, а приходите се зголемиле за 9% до 11 милијарди долари. Прометот во 2016-та година во Северна Америка се зголеми за 14% до 1,8 милијарди долари. Консултантската компанија „ABI Research“ смета дека продажбата во индустријата ќе се зголемува до 2025-та година.
Има сериозни тврдења дека роботите ќе ги „украдат“ работните места на луѓето. Нов извештај објавен од „National Bureau of Economic Research“ во голема мера го поддржува ова верување, проценуваат дека секој дополнителен робот во американската економија ја намалува вработеноста за 5,6 вработени.
Врската помеѓу автоматизацијата и вработувањето секогаш е линеарно. Еден од најголемите трендови е растот на „заедничките роботи“ – помали и повеќе индивидуализирани машини создадени да работат заедно со луѓето.
Банката „Barclays“ смета дека продажбата на овие машини меѓу 2016-та и 2020-та година ќе се зголеми десеткратно. Нешто повеќе, подобрувајќи ја продуктивноста, автоматизацијата понекогаш може да создава нови места за луѓето или барем да ги пренасочи. Вклучувањето на роботи ги прави економични за некои производители во земјите со високи плати да го „враќаат“ производството назад дома од посиромашните земји. Оваа година „Adidas“ ќе почне да произведува патики за трчање во германска фабрика, опремена со роботи и 160 нови работници.
„FANUC“ не ја прифаќа доминантната улога за готово. Компанијата работи попаметно, повеќе индивидуализира роботи и инвестира сериозно во вештачката интелигенција. Нејзините напори да се адаптира во динамичната индустрија на роботиката можат да бидат видени дури во новиот избор на бои на компанијата. Кога таа го претстави својот нов „заеднички“ робот – „CR-35iA“, а нејзината традиционална жолта боја е заменета со зелена.
