Американската кредитна агенција „Moody’s“ го намали првпат за три децении кредитниот рејтинг на Кина за задолжување во домашна и странска валута.
Агенцијата, како причина за намалувањето, ја наведе загриженоста заради зголемувањето на долгот на земјата и забавување на растот, а Пекинг ова смалување го отфрли како „непримерно“, јавува агенцијата АФП.
„Moody’s“ го намали кредитниот рејтинг на Кина на А1 од претходното ниво Аа3, но шансите ги подобри од негативни на стабилни, се наведува во соопштението на агенцијата.
