Се намалува бројот на дипломирани студенти во Македонија во споредба со изминатите години.
Во 2016 година бројот на дипломирани студенти на додипломски студии на високите стручни школи и факултетите во Македонија е намален за 2,5 отсто во споредба со 2015 година. Од вкупниот број студенти 58 отсто се од женски пол.
Вкупно 9480 студенти дипломирале во Македонија лани. Најголем е бројот на дипломирани студенти на државните високообразовни установи – 7307, потоа следуваат приватните високообразовни установи – 2144 и Верските факултети – 29.
Според податоците на Државниот завод за статистика, 80,5 отсто од вкупниот број дипломирани студенти се редовни, а 19,5 отсто вонредни студенти.Само 36 проценти, пак, од студентите дипломирале во рок, додека 64 проценти дипломирале по рокот.
