Почетокот на неделата на Македонската берза започна со раст на индексот МБИ 10 од 0,66% и заврши на 2.288,31 индексни поени. Вкупниот промет изнесуваше 10.069.404 денари остварен преку 75 трансакции и истргувана количина од 6.174 лотови.
Се тргуваше со вкупно 13 хартии од вредност, при што дури девет беа во раст, три во негатива и една хартија се тргуваше без промена на вредноста. Акциите на Алкалоид АД Скопје беа на врвот со остварен промет од околу 4,5 милиони денари и истргувана од 773 акции по просечна цена од 5.858,72 денари.
Листата на добитници беше долга, и ја предводеше акцијата на Топлификација АД Скопје со раст од 8,88%, истргувани 155 акции по просечна цена од 1.402,42 денари. Зад неа се најдоа акциите на Гранит АД со раст од 3,30%, Уни банка со раст од 2,95% и РЖ Услуги со раст од 1,35%.
Најголем пад на вредноста од 2,22% забележаа акциите на Макстил АД Скопје и тоа 2,2% со минимален промет од 67 илјади денари.
За обврзниците денес немаше заинтересираност, па така индексот ОМБ остана непроменет на претходната вредност од 130,09.
