Три милијарди евра ќе инвестира државната кинеска фирма SHENHUA GROUP CORPORATION LIMITED во грчката COPELOUZOS GROUP, пишуваат тамошните медиуми.
Двете компании ќе бидат партнери за развој на зелената енергија и за еколошката модернизација на постројките за производство на струја во Грција и во трети земји.
SHENHUA GROUP CORPORATION LIMITED е најголемиот производител на јаглен во светот и еден од најголемите производители на енергија во Кина како од конвенционални, така и од обновливи извори. COPELOUZOS GROUP е една од најголемите инвестициски групи во Грција во секторот на енергетиката и инфраструктурата.
“Нашата група верува во зелената енергија и изгледите на Грција. Убедени сме дека соработката со SHENHUA GROUP ќе дејствува како катализатор за склучување на важни инвестиции и ќе ја охрабри енергетската индустрија во Грција. Таа треба да инвестира во зелената енергија и еколошката модернизација на енергетските индустрии”, коментираат Грците.
