Околу 400 лица со телесен инвалидитет од цела Македонија се очекува да присуствуваат на денешната 6. Масовна средба во природа што ја организира Националниот сојуз на лица со телесен инвалидитет на Македонија – Мобилност Македонија во Спортско-рекреативнот ценатар на езерото Треска во Сарај.
Средбата, традиционално, е под мотото „Сплотени, достоинствени и силни“, со што се испраќа порака дека обединети и организирани лицата со инвалидитет може да се изборат за позицијата во општеството, соопшти „Мобилност Македонија“.
Целта на „Мобилност Македонија“ како национална инвалидска организација во чиј состав дејствуваат 16 општински и меѓуопштински инвалидски организации на лица со телесен инвалидитет, е да ја подобри сегашната состојба на лицата со телесен инвалидитет и во соработка со надлежните институции да ги надмине пречките за да им овозможи квалитетен, сигурен и достоинствен живот зашто според Уставот и законите тие се рамноправни со преостанатата популација во државата.
На 6. Масовна средба , Центарот за ортотика и протетика „Славеј“ ќе има презентација на тема „Едукација за инвалидски колички за активни корисници“
