Компанијата „Nokia“ очекува многу од паметниот телефон „Max“ кој ќе биде претставен на 14-ти мај. Моделот е фокусиран кон средната класа, а неговите карактеристики го претвораат во директен конкурент на „Samsung Galaxy Grand“. Во исто време претстојниот паметен телефон на компанијата ќе биде и најевтиниот „LTE“ модел од серијата „Lumia“.
„Nokia Maх“ има 4.7-инчен „SuperSensitive LCD“ екран кој поддржува резолуција од 800х840 пиксели и се напојува од 1,2 GHz „Snapdragon S4“ процесор на „Qualcomm“. „RAM“ меморијата е од 512МВ, а батеријата е со моќност од 2000mAh, како модел овој телефон ќе го задржи карактеристичниот дизајн на серијата „Lumia“. Интересно е дека и покрај димензиите се очекува „Nokia Max“ да биде дел од 6хх серијата, а не во повисоките 7хх или 8хх кои ги има во портфолиото на компанијата.
Всушност уредот покрај тоа што ќе стане најевтиниот LTE паметен телефон, исто така ќе биде и најголемиот „Lumia“ модел кој сме го виделе досега. „Nokia Max“ е дизајниран токму да се искористи овој тренд и допрва ќе видиме дали ќе може да се претвори во еден од најпопуларните паметни телефони на финската компанија.
