Бруто домашниот производ (БДП) и во еврозоната, и во Европската унија (ЕУ) се зголеми за 0,5% на квартална основа во првите три месеци од 2017-та година, покажуваат првичните податоци на „Евростат“.
Така растот во монетарната унија останува стабилен однос крајот на минатата година, кога БДП-то порасна исто со 0,5%. Во целата Европска унија, сепак се забележува забавување, бидејќи во последниот квартал на 2016-та година зголемувањето изнесува 0,6%.
На годишна основа, економскиот раст во еврозоната во кварталот се забавува од 1,8% до 1,7%.
Во ЕУ, пак, зголемувањето се забрзува од 1,9% во првиот квартал на минатата година до 2% во првите три месеци од оваа година.
На квартална основа најсилен економски раст во Европската унија е забележан во Романија – 1,7%, покажуваат податоците на „Евростат“. Во оваа земја е регистрирано и најголемото покачување на годишна база – од 5,6 отсто.
Единствената држава од ЕУ, во која се забележува пад на БДП-то во првиот квартал, како на квартална, така и на годишна основа, е Грција. Падот е 0,1% и 0,5%.
Резултатите може да бидат ревидирани при второто читање на 8-ми јуни.
source: tradingeconomics.com