Компанијата „Volvo Cars“ развива субкомпактен кросовер со идекс „XC20“, кој ќе мора да се натпреварува со „Audi Q2“. Ова го соопшти шефот на одделот за истражување и развој на шведскиот производител Хенрик Грин, цитиран од „Autocar“.
Од зборовите на инженерот станува јасно дека компанијата има сè што е потребно за да пушти сличен модел на пазарот. На прво место тоа е модуларната платформа „CMA“ развиена заедно со „Geely“ за моделите од серијата „40“ – „V40“ и „XC40“, како и за автомобилите на новиот бренд „Lynk & Co.“.
Нејзиното користење ќе овозможи создавање на модели со помалку средства. Тие ќе се потпираат на 3 и 4-цилиндричен мотор од семејството „Drive-E“, кои веќе се поставуваат на поголемите автомобили на „Volvo“. Истовремено компанијата развива и нов 1,5-литарски турбомотор, кој исто така може да се користи од сите модели на марката. Нејзината моќна верзија ќе развива повеќе од 150 КС.
Во 2016-та година „Volvo“ продал 534.000 возила во целиот свет, а тоа е за 6,2% повеќе. Целта на Швеѓаните е во 2020-та година да ја преминат границата од 800.000 примероци и новиот компактен кросовер ќе игра главна улога во реализирањето на оваа цел. Според прогнозите на компанијата „LMC Automotive“, догодина во целиот свет ќе бидат продадени повеќе од 2 милиони компактни „SUV“ возила. За споредба, во 2016-та година резултатот во овој сегмент е 1,4 милиони примероци.
