Насоките на ЕУ во преговорите со Велика Британија за „Brexit“ треба да се поврзани со заштитата на економскиот раст, финансиската стабилност и заштитата на граѓаните. Ова го сметаат Европејците кои учествувале во истражувањето на „Red C“, спроведена по нарачка на Европската народна партија (ЕПП).
Од податоците се гледа дека малку над 90% од испитаниците сметаат дека ЕУ треба да се фокусира во овие области. За 86% од Европејците е важно заедницата да ги заштити граѓаните и да не дозволи појава на „втора класа“ европски граѓани. 88% пак инсистираат ЕУ да гарантира дека Лондон ќе ја плати сметката за заминувањето од ЕУ.
Според истражувањето за 78% од Европејците приоритет во преговорите на ЕУ со Велика Британија треба да биде заштитата на преостанатите 27 земји во заедницата, а за 22% е важна изградбата на новите врски со Велика Британија по „Brexit“.
Најмногу благонаклони кон Велика Британија се наоѓаат Французите – 31% од посочуваат дека е поважно да бидат изградени новите врски со Островот. На истото мислење сепак се само 11% од Шпанците.
Главните политики за Брисел по „Brexit“ треба да бидат насочени кон економски раст, создавањето на работни места и борбата против тероризмот.
Заедницата треба да развива иновации и да ги брани своите граѓани од нарушувањата на конкурентноста, како и да ги продлабочи односите помеѓу членовите во однос на политиката на одбрана, препорачуваат уште учесниците во анкетата.
Анкетата на „Red C“ е спроведена во периодот меѓу 28-ми април и 5-ти мај. Во неа учествувале полнолетни граѓани од 9 држави во ЕУ – Франција, Германија, Ирска, Италија, Холандија, Полска, Романија, Шпанија и Шведска.
