Градежна компанија во Литванија склучила договор со државната гранична служба (SBGS) за изградба на ограда долж границата со Русија – проект кој ќе ја чини владата во Вилнус над 1,3 милијарди евра, пренесува Sputnik.
“Согласно договор со литванската државна гранична служба Gintreja наскоро ќе се изгради ограда долж 44,6 километри од литванско-руската граница. Очекуваната цена на проектот е 1,335 милиони евра”, соопштија од прес-службата на SBGS во средата.
Двометарската метална ограда долж границата со рускиот регион Калининград ќе се протега до реката Нема каде претходно беа инсталирани камери и други системи за безбедност по целата должина од 109 километри по водната граница.