Во средните училишта во Градот Скопје од денеска до 15 мај ќе се организираат едукативни работилници за превенција и заштита од употреба на дрога, алкохол и цигари, на трета и четврта година.Проектот ќе го спроведе ЈЗУ „Здравствен дом на Скопје“.
„На едукативните работилници, со времетраење од еден училиштен час, здравствените работници ќе зборуваат со учениците за превенција и заштита од употреба на дрога, алкохол и цигари“, рекоа од ЈЗУ „Здравствен Дом на Скопје“.
Од годинава во реализацијата на едукативните работилници се вклучени и учениците од приватните средни училишта од Скопје. Активностите се во заедничка соработка со Министерството за внатрешни работи и СВР Скопје, кои во делот на едукатвните работилници ќе се приклучат на здравствените работници, како дел од кампањата „Безбедност во сообраќајот“.