Вработувањето во САД расте во април повеќе од очекувањата, а невработеноста исто така, изненадувачки се намалува до 4,4% – најниското ниво од мај 2007-ма година, соопштува „Bloomberg“.
Новите работни места се 211.000 или само 79.000 во март, покажуваат податоците на Министерството за труд.
Просечната прогноза на економистите анкетирани од „Bloomberg“, беше за 190.000 нови позиции.
Во позадина на најдобрите од очекуваните податоци за вработеноста, платите имаат слабо место во извештајот. На годишна основа, растот се забавува од 2,6% во март до 2,5% во април. Тоа е најслабата стапка од август па наваму.
На месечна основа, растот на платите се забрзува од 0,1% во март до 0,3% во април.
Подобрувањето на бизнис ставовите во САД најверојатно довеле до вработување и податоците би требало да ги поддржат Федералните резерви во неговата намера постепено да ја зголемува каматата во следните месеци.
„Трендот на раст на вработеноста е доста силна во предвид демографската слика – тоа е повеќе од доволно за да се задржи невработеноста ниска“, коментира Џим О’Саливан, главен економист за САД во „High Frequency Economics“.
Уште еднаш најголем придонес за вработување има секторот на услугите.
