Цените на угостителските услуги во април се зголемени за 0,8 проценти во споредба со март, објави во петок Државниот завод за статистика.
Според објавените податоци, зголемување има кај – храната за 0,1 отсто, безалкохолните пијалаци за 0,7 отсто и ноќевањата за 3,1 отсто, додека намалување за 0,2 проценти е забележано кај алкохолните пијалаци.
Во споредба со април минатата година, цените на угостителските услуги се зголемени за еден процент.
Кумулативниот индекс на цените на угостителските услуги за периодот јануари-април во однос на истиот период лани е зголемен за 0,5 проценти, а во однос на декември минатата година е зголемен за 0,1 процент.
