Американскиот претседател Доналд Трамп го прогласи Обамакер за мртов, откако републиканците изгласаа закон за здравство во Долниот дом на Конгресот. Гласањето помина многу тесно, а републиканците победија со 217 гласа за, наспроти 213 против.
Конзервативците седум години се залагаа за поништување и измена на Обамакер, сметајќи дека законот ги зголемил цените на здравствените услуги и ги намалил можностите за лечење на милиони Американци.
Демократите, пак, тврдат дека актот за здравствена заштита ќе остави милиони луѓе неосигурани. Предлог-законот сега е во Сенатот.
По изгласувањето на новиот закон, се собраа демонстранти извикувајќи „Срамота за вас!”. Но, имаше и прослави на тревникот на Белата куќа.