Американската компанија „Coca-Cola“, најголемиот производител на безалкохолни пијалоци, планира да потроши две милијарди долари за проширување на плантажите на портокали во Флорида.
„Станува збор за инвестиција која е исклучително важна за нас“, изјави претседателот на „Coca-Cola Americas“ Стив Кахилејн, пренесува агенцијата АП.
На новите плантажи, според неговите изјави, ќе бидат засадени пет милиони нови стебла.
Претставниците на компанијата соопштија дека, благодарение на овој потег, можат да бидат отворени дополнителни 4.100 работни места во Форида.
