Профитот на компанијата „Yum Brands“ за првиот квартал од 2017-та година ги надминува очекувањата благодарение на подоброто претставување на рестораните „Taco Bell“.
Добивката од тековната операција на компанијата која ги поседува рестораните за брза храна „KFC“, „Pizza Hut“ и „Taco Bell“, се покачува до 280 милиони долари или 77 центи по акција. Во истиот период минатата година нивото беше 226 милиони долари (54 центи по акција).
Доколку се исклучат еднократните ефекти, добивката на компанијата достигна 65 центи за акција при консензуална прогноза на економистите анкетирани од новинската агенција, за 60 центи.
Вкупните приходи за кварталот се намалуваат за 1,8% на годишна основа до 1,42 милијарди долари, но и покрај тоа ги надминуваат прогнозите за 1,35 милијарди долари. Падот се објаснува со големиот број ресторани, оддадени преку франшиза.
Акциите на „Yum Brands“ поскапеа за 3% до 68,40 долари за акција по објавувањето на резултатите и пред отворањето на берзата. Во раната сесија растот се намали до нешто над 2%.
Продажбата во рестораните „Taco Bell“, отворени пред повеќе од една година, се зголемуваат со 8% при очекувањата од анкетираните аналитичари за раст од 3,7%. Синџирот успешно лансираше нов производ – „Naked Chicken Chalupa“, тортилја со пилешко месо.
Продажбата во развиените ресторани „KFC“ забележува раст од само 2%, но не ги исполнуваат очекувањата на експертите. Сепак профитот од работењето на синџирот отскокнува со 12%, поддржан од пониските трошоци и големиот број ресторани, оддадени преку франшиза.
Рестораните „Pizza Hut“ продолжуваат да се соочуваат со тешкотии, па поради тоа забележаа пониска продажба за третиот по ред квартал. Во кварталот јануари-март намалувањето достигнува 3%. Ривалот на „Pizza Hut“, „Domino Pizza“ соопшти за раст на продажбата на домашниот пазар од 10,2%.
