Економскиот раст во еврозоната останува стабилен. Бруто домашниот производ (БДП) во монетарната унија расте со 0,5% во првиот квартал во однос на претходниот, покажува првото читање на податоците на Евростат.
Толку беше зголемувањето и во последниот квартал на 2016-та година. Податоците ги исполнуваат очекувањата на економистите анкетирани од „Bloomberg“.
На годишна основа порастот е 1,7%, што претставува забавување во однос на 1,8% раст во истиот квартал од минатата година.
Во целата Европска унија (ЕУ), растот на БДП-то се забавува од 0,6% на крајот на минатата година до 0,4% во првиот квартал на оваа година. На годишна основа, растот останува стабилен на ниво од 1,9%.
Еврозоната ја задржува инертноста во почетокот на 2017-та година, што го поддржува аргументот дека Европската централна банка (ЕЦБ) треба да ги разјасни своите планови за евентуално завршување на ерата на управувачката политика, коментира „Bloomberg“. Самиот Марио Драги, претседателот на ЕЦБ, ја одредува обновата што трае веќе 4 години, како „солидна и широка“.
