„Европската унија се самоуби со излегувањето на Велика Британија од блокот (Брегзит). Ова го рекол претседателот на Европската комисија, Жан-Клод Јункер.
Германски весник објави протечени информации од разговорот на лидерот на ЕК со премиерот на Велика Британија – Тереза Меј, одржан минатата среда.
Јункер признал дека ЕУ по очекуваното заминување на Британија во 2019 година ќе почне да доживува тешки времиња.
„Одлуката на Британците да го прекинат повеќе од 40-годишното членство во блокот е еднакво на самоубиство”, изјавил политичарот од Луксембург.
АП потсетува дека Кралството е меѓу најголемите донатори на ЕУ. За време на преговорите меѓу Брисел и Лондон беше поставено и прашањето за финансиска компензација.