Нова изложба во Домот на културата „Илинден“.
Утре на пладне (четврток, 4 мај), во Домот на култура „Илинден” ќе биде отворена изложбата „Живот во бои“ на ликовниот уметник Андријана Мациев.
Андријана Мациев дипломира на Факултетот за ликовни уметности во Скопје и е член на Друштвото на ликовни уметници на Македонија. Досега има остварено повеќе самостојни изложби во Скопје, Прилеп, Кавадарци, Гевгелија, Белград, Софија, а учествува и на повеќе групни изложби, манифестации и ликовни колонии во Македонија и надвор од државата. Добитник е на повеќе награди.
