Еврото се повлече од пет и полмесечниот максимум во однос на доларот во среда.
Инвеститорите ги уновчија добивките остварени врз основа на исходите од првиот круг на претседателските избори во Франција и повторните пазарни проценки на монетарната политика на еврозоната.
Јенот, кој е губитник на неделата заради оптимистичкото расположение на пазарот на акции од гласањето на француските претседателски избори, се стабилизираше, додека австралискиот и новозеландскиот долар паднаа за преку половина процент по млаките податоци за инфлација во Австралија.