Јаворите ќе ги заменат егзотичните палми, кои поради ниските температури се исушија во текот на зимата.
„Има неколку преживеани,но во консултација и со градот, одлучивме сите палми низ градот да бидат извадени. Јаворите лично ги обезбедив, и тие се донација од фирма која подолго време соработува со претпријатието“, рече директорот на ЈП „Паркови и зеленило“, Душан Авировиќ.
Дел од граѓаните се изреволтирани од фактот дека палмите кои сега се исушени чинеа 500 евра, а ако на тоа се додадат и трошоците за одржување, само во Скопје се „исушени“ над пола милион евра.
„Граѓаните се соочуваат со егзистенцијални проблеми, а властите трошат пари на палми кои се очекуваше да не преживеат. Скопјани имаат други поважни проблеми, како проблемот со сообраќајот за велосипедисти и слично, а се трошат пари за дрвја, кои според мене, ниту изгледаат убаво за нашиот град, ниту се карактеристични за нашето поднебје“, вели Викторија М, од Дебар маало.
