Премиерот на Велика Британија, Тереза Меј, в среда ќе се сретне со претседателот на ЕК, Жан-Клод Јункер, и со главниот преговарач на ЕУ во врска со Брегзит, Мишел Барние, пишува Индипендет.
Разговорот на тројцата ќе се одржи пред почетокот на важниот самит на кој европските лидери формално ќе ги прифатат рамките на преговорите за Брегзит.
Според европски извори, не се очекува Јункер и Барние да свикаат прес-конференција со премиерот – туку ќе се одржат лични разговори кои ќе се одржат зад затворени врати.
„На средбата ќе се разговара за насоките на преговори пред одржувањето на самитот, но исто така, цел ќе биде Барние да биде претставен како главен човек на преговорите за Брегзит“, изјави изворот.
За време на специјалната средба посветена на Брегзит, лидерите на ЕУ, вклучувајќи ја и Тереза Меј, ќе ги одобрат насоките на преговорите кои беа претставени претходно овој месец од страна на претседателот на Европскиот совет, Доналд Туск
