Во рамките на годинешната програма, во која беше прикажан еден долгометражен игран филм, посетителите ќе можат да ги погледнат и двата краткометражни македонски играни филмови: „Ќе дојдат децата“ во режија на Ана Јакимска, со Наташа Петровиќ и Шенка Колозова во главните улоги и „Чевли“ во режија на Бранко Костески, со Благој Веселинов, Григор Јовановски, Диме Илиев, Ана Костовска и Роберт Ристов во главните улоги.
Премиерите на двата филма ќе се одржат утревечер (среда, 26 април) во кино „Фросина“ во 20, 30 часот. На проекциите ќе присуствуваат и авторите и филмските екипи.