Поскапување на сметките за струја нема да има, и покрај купувањето на скапа струја во изминатиот период.
„Струја извезовме во ноември и во декември, во јануари купивме скапа струја, потоа ја набавивме евтино. Ќе се обидеме да купиме евтина струја до јуни, кога ќе заврши оваа регулирана година“ вели Христијан Мицкоски,генералниот директор на компанијата.
Загубата на струја ќе се надополни со зголемување на производството во нашите капацитети за 10 отсто и увезување на евтина струја за март и април, додава Мицовски.
Според негово мислење, цената на струјата може да расте само во ситуација на либерализација на пазарот на струја која засега се планира во 2020. Во таква состојба цената може да расте и до 25 отсто.
