Руската централна банка може да ја намали основната каматна стапка за 25 или 50 базични поени за време на следниот состанок на бордот на директори на 28-ми април, изјави директорот на банката Елвира Набиулина.
Централната банка ја намали за последен пат својата основна каматна стапка до 9,75% од 10% во март, потсетуваат агенциите.
Говорејќи во Министерството за финансии на земјата, Набиулина изјави дека намалувањето на каматата е можно, бидејќи инфлацијата, примарната главоболка на централната банка, веќе опаднала до 4,1% до 17-ти април, останувајќи на сосема малку повисоко ниво од крајната цел на банката во износ од 4%.
Набилина изјави дека секојдневните купувања на долари за државната каса имаат ограничено влијание врз рубљата, а стравувањата за создавање на повисока инфлација не се материјализира.
Претходното намалување на каматата беше оправдано од централните банкари во Москва со економско заздравување. За оваа година руската централна банка очекува економски раст од 1 до 1,5 проценти.
