Волонтерите на Црвен крст, кои се дел од проектот „Промоција на хумани вредности“, реализираа проект за семејства со социјален ризик.
Проектот се реализираше преку театaрска претстава, а средствата кои се собрани ќе бидат наменети за семејството на Орхан Петрушевски, кое нема никакви примања.
Претставата била под менторство на професорките по македонски јазик Марија Јанакиевска и Светлана Лазаревска.
Освен претставата,волонтерите на Црвен крст изработиле и осмомартовски честитки и мартинки, кои ги продавале на разни места во Ранковце и Крива Паланка.
Со собраните средства е планирано да се купат градежни материјали,за се направат два ѕида во импровизираната куќа на семејството Петрушевски.
