Продажбата на мало на биопродукти и пијалоци во 2016-та година надмина 81 милијарди долари – речиси четири пати повеќе во однос на 2000-та година (18 милијарди долари). 90% од продажбата се формира благодарение на Северна Америка и Европа.
Побарувачката постепено расте и во азиските земји, Латинска Америка и Африка, но засега во овие региони производството е извозно ориентирано.
Денес 1% од земјоделските површини се користат за производство на органски производи – близу 50,9 милиони хектари. Најголемите територии за биопроизводство се во Австралија (22,7 милиони хектари), Аргентина (3,1 милиони хектари) и САД (2 милиони хектари), соопштува агенцијата, повикувајќи се на податоци од Истражувачкиот институт за земјоделство „FiBL“ и „IFOAM“.
Дури и во богатите европски земји и Северна Америка побарувачката не е постојана. На пример 89% од Французите, според истражувањето на „Agence Bio“, купуваат чисти производи, но само 37% го прават постојано.
Биопродуктите се поскапи и корисниците имаат различна мотивација да ги купат. На прво место е грижата за здравјето, наведена од 63% од Французите. Германските потрошувачи се загрижени за животната средина, бидејќи природните производи ја загадуваат помалку животната средина.
Данците се заинтересирани од состојбата на животните, а корисниците во САД од отсуството на ГМО во храната и пијалоците.
Во Русија допрва се формира пазар за биопродукти и во моментов тој е мал – околу 120 милиони евра, според податоците на „FiBL“ и „IFOAM“. По глава на жител излегува едвај 0,8 евра.
Меѓутоа постои тренд за раст, а во 2016-та година во земјата за биопроизводство се користат 385 илјади хектари. Развојот на пазарот се попречува засега од отсуството на централизирани механизми за сертификација на органски производи.
