Меѓународниот монетарен фонд (ММФ) ја ревидираше проценката за развојот на руската економија и очекувањата се пооптимистички.
Во прогнозата која ќе биде објавена со следните денови, организацијата запишала раст од 1,4% во 2017-та година за бруто домашниот производ на Русија. За 2018-та година очекувањата се за раст повторно од 1,4 отсто.
Во претходните извештаи ММФ прогнозираше раст за економијата на земјата од 1,1% во 2017-та година и од 1,2% во 2018-та година.
ММФ наскоро ќе објави извештај за состојбата на светската економија и нивните очекувања за нејзиниот развој. Тој ќе биде дискутиран за време на претстојната пролетна средба меѓу претставниците на ММФ и Светската банка.
