Компанијата за трговија на интернет „Amazon“ воведува нов сервис со кој би им помогнала на родители да следат што прават нивните деца на таблетите „Fire“ од оваа компанија.
Amazon наведе дека неговиот сервис би можел да помогне и во истражувањата за тоа што децата читаат или гледаат.
Родителите треба да се пријават на сервисот на „Amazon“ (FreeTime) со што би можеле да го ограничат времето кое децата го поминуваат на таблетите и како ги користат.
Со пријавата на „FreeTime“ родителите ќе можат да ги следат активностите на децата преку сајтот на „Amazon“. Ќе добијат податоци колку време е потрошено на читање на електронски книги, гледање на видео снимки, како и на други апликации или сурфање на интернет.
