Велика Британија е најпосакувана дестинација за инвестиции во хотели во 2017-та година, покажуваат податоците на консултантската компанија „CBRE“, собрани преку анкета меѓу инвеститори – јавни фондови за инвестиции во недвижности, приватни компании, компании за акционерски капитал, семејни компании, пензиски фондови , државни инвестициски фондови и други.
На второ место е Германија, трета е Шпанија, а на четвртата и петтата позиција се Франција и Италија.
Топ 10 се дополнуваат со Холандија, Ирска, Португалија, Белгија и Полска.
Поголемиот дел од капиталот кој се насочува кон европскиот хотелски сектор, се од Европа (53%). Во 18% од инвестициите се од Северна Америка и Азија, а 11% од земјите од Блискиот Исток и Африка.
Од сите инвеститори кои биле испитани, 87% изјавиле дека имаат намера да направат инвестиција во хотелскиот сектор во оваа година. Само 13% одговориле дека немаат намера да инвестираат во овој сегмент од пазарот на деловен простор.
Повеќето од инвеститорите веќе имаат други вложувања во бизнис имот. Една четвртина од нив поседуваат канцеларии, 13% во комерцијални области во водечки трговски улици, други 13% во деловен простор во шопинг центри, 11% во логистички имот. Само 8% од испитаниците оддаваат станови за изнајмување, 2% поседуваат магацини, а 1% во други индустриски имоти.
Хотелите се уште се сметаат за специфични средства. Високата транспарентност на секторот сепак, како и недостатокот на други средства од инвестиционата класа изнесе повеќе инвеститори кон хотелскиот сегмент од пазарот.
Хотелските средства се сметаат и за добар извор на диверзификација на инвестициските портфолија. Клучен предизвик останува понудата.
Околу една третина од инвеститорите кои учествувале во студијата, планираат да ги задржат средствата за период од 5-10 години, а една четвртина – за период над 10 години. Вкупно 17% изјавиле дека планираат да ја задржат инвестицијата на неодредено време.
Најчесто инвеститорите се заинтересирани за средства во вредност од 10-50 милиони евра, како и во опсегот од 100-500 милиони евра. Само 5% од испитаниците изразиле интерес за трансакциите над 500 милиони евра.
Што се однесува до локација, најпосакуваните се главните градови и клучните големи градови во склопот на пазари.
