Најголемиот американски трговски синџир Walmart Stores најави дека во април ќе укине поголем број канцелариски работни места во САД, додека истовремено инвестира во подобрување на работењето преку интернет и се враќа на искористување на своите предности од ниски цени во секторот на малопродажба во САД.
Wal-Mart со тоа потврди дека спроведува нов круг на намалување на бројот на работни места, што ќе вклучува стотина позиции во меѓународниот и технолошкиот оддел на компанијата, како и во синџирот складишта Sam Club.
Не е објавена точна бројка за бројот на работни места што ќе бидат укинати.
Wal-Mart со укинување на работни места започна минатата година, кога објави дека укинува 7.000 работни места во заднинските служби, како и тоа дека преместува голем број вработени во продажбата.
На почетокот на годината Wal-Mart укина над 1.000 работни места во канцелариите, во главно во делот на човечки ресурси.
