Банките во еврозоната во голем број се упатија на последната аукција на евтини долгорочни кредити кои ги доделува Европската централна банка.
Вкупно 474 банки позајмиле 233,5 милијарди евра, што е речиси четири пати повеќе отколку на декемвриската аукција на ЕЦБ, на која се задолжија со 62,2 милијарди евра.
Ако се одземе износот кој банките го употребиле за отплата на стари долгови кон ЕЦБ, вкупно во економијата на еврозоната се вбризгани 216 милијарди евра свежи пари.
