Интернет страните кои покажуваат пониски цени на летови, хотели и други резервации за патувања, не им даваат на клиентите точни информации. Ова станува јасно од мислењето на европскиот систем за соработка за заштита на потрошувачите – „Consumer Protection Cooperation“.
Првата прикажана цена често е многу пониска од крајната. Причината поради која некои понуди изгледаат премногу добри за да бидат вистинити, е дека кога ќе кликнете, за да си купите пакет одмор пакет, се чини дека нема ништо слично.
„Овие сајтови ги доведуваат до заблуда потрошувачите“, изјави еврокомесарот за правда, корисници и полова еднаквост Вера Јoyрова, цитирана од „ВВС“. Од 235 сајтови ќе се побара да ги коригираат проблемите. Ако тие не се усогласат, националните власти можат да пристапат кон судските процедури, забележуваат од „Consumer Protection Cooperation“ (CPC).
„Засегнатите компании и сите туристички агенции треба да ги почитуваат европските правила за потрошувачки“, категорична е Јoyрова.
Клучни заклучоци:
1. Во една третина од случаите првата прикажана цена не е иста како крајната цена за плаќање.
2. Во една петтина од случаите промотивните понуди во реалноста не се достапни.
3. Во речиси една третина од случаите не е јасно како се пресметува вкупната цена.
4. Во една четвртина од случаите ограничената достапност (пример само две други места) се однесува само за достапноста на конкретниот сајт, но тоа не е јасно.
„CPC“ го набљудуваше секторот во октомври 2016-та година во сите 28 земји членки. Потврдени биле вкупно 352 интернет страни, вклучувајќи и сајтови кои нудат резервација на преноќиште, билети за транспорт и изнајмување на автомобили. Некои од нив биле сајтови за споредување на цените.
Утврдено било дека во над една петтина од проверените сајтови повратните информации за корисниците се претставени нејасно, а во некои случаи се појавуваат сомнежи за нивната автентичност.
