Општина Кисела Вода во понеделник започна со дератизација на јавните површини на нејзината територија.
Постапката за уништување на глодарите започна од населбата Драчево, а со истата, во наредните дваесет дена ќе бидат опфатени јавните површини и низ останатите месни и урбани заедници низ општината.
Дератизацијата ја спроведува Токси Вет во соработка со ЈП Водовод и канализација и општина Кисела Вода, преку Секторот за комунални работи, инфраструктура, сообраќај и заштита на животната средина.
Мамците против штетните глодари ќе бидат поставени во 3860 шахти.