Економскиот раст на САД во четвртиот квартал е забавена помалку отколку што покажуваа претходните податоци во позадина на силните кориснички трошоци, а во исто време се забележува и раст на увозот, соопштува „Ројтерс“.
Бруто домашниот производ се зголеми со годишна стапка од 2,1% наместо со 1,9%, како што посочуваше претходната проценка, соопшти Министерството за трговија во третата проценка за БДП-то за периодот. Има сигнали дека активноста стана уште умерена во почетокот на 2017-та година.
Владата изјави дека корпоративните профити по даноците и корекции на оценките на инвентар и капитални потрошувачки се зголемија со годишна стапка од 2,3% во четвртиот квартал по раст од 6,7% во претходните три месеци.
Во предвид доближувањето на пазарот на трудот до целосна вработеност, податоците кои покажуваат забавување на растот, веројатно го потценуваат здравјето на економијата. БДП-то често е послаб во првиот квартал поради проблеми со пресметувањето, за кои Владата призна и се обидува да ги реши.
Економијата порасна за 3,5% во третиот квартал. Таа е зголемена за 1,6% во 2016-та година, што е најслабото нејзино претставување од 2011-та година, откако во 2015-та година забележа раст од 2,6%.
Слабите резултати на економијата претставуваат предизвик за претседателот Доналд Трамп, кој вети дека ќе го зајакне годишниот економски раст до 4%, така што ги намали даноците, ги зголеми трошоците за инфраструктура и ги намали прописи. Засега администрацијата на Трамп нема обезбедено дополнителни информации за економските политики.
