Таблетите го освојуваат светот, барем според податоците кои ги направи компанијата за истражување на пазарот „IDC“.
iPad доминира на пазарот, но евтините го стигнуваат
Во првиот квартал од 2013-та година испораката на таблети двојно се зголемила во однос на минатата година.
На чело и натаму е „iPad“ кој во првите три месеци е продаден во 19.5 милиони примероци. Додека и другите производители како што се „Samsung“, „Asus“, „Microsoft“ или „Amazon“ исто така забележаа раст, а најголем скок бележат азиските производители на евтини таблети.
Евтините „no-name“ таблети од кои поголемиот дел се темелат на оперативниот систем „Android“, имаат 7 инчни екрани и работата на процесорите на азиските компании „Rockchip“ или „Allwinner Technology“.
Скоро една третина од светската продажба на таблети отпадна токму на безимените и евтини таблети, а тоа изнесува 15.5 милиони уреди за само три месеци.
Благодарејќи токму на тие таблети „Android“ успеа да го превземе приматот на „iPad“ во првиот квартал во 2013-та година. Дури 56.5 проценти од испорачаните таблети користат „Android“, додека 39.6 проценти му припаѓаат на „iPad“.
„Microsoft Windows 8“ и „Windows RT“ држат „ситни“ 3.7 проценти од вкупно испорачаните таблети.