53-годишниот Џеф Безос веќе е вториот најбогат човек во светот, станува јасно од податоците на „Bloomberg“. Вчера тој додаде кон своето богатство 1.5 милијарди долари, откако акциите на неговата компанија „Amazon.com“ поскапеа за 18.32 долари (2.14%), до 874.32 долари за готово.
Ова се случува само еден ден откако од компанијата најавија дека ќе ја купат платформа за онлајн трговија „Souq.com“. Од консултантската компанија „A.T. Kearney“ сметаат дека продажбата на стоки онлајн во Блискиот Исток ќе се зголемат за четирипати во периодот од 2015-та до 2020-та година, па ќе достигнат 20 милијарди долари на крајот на периодот.
Така Безос веќе поседува 700 милиони долари повеќе од Ворен Бафет и 1,3 милијарди долари повеќе од најбогатиот Европеец Амансио Ортега.
Основачот на „Amazon“ исто така додаде 10,2 милијарди долари кон своето богатство од почетокот на годината, со што се наоѓа на трето место во светот. Пред него се само Кинезот Ванг Веи и основачот на „Facebook“, Марк Цукерберг, кои додале 18,4 и 11,4 милијарди долари.
Ворен Бафет, од своја страна, додал 1,7 милијарди долари во оваа година, но во март е намален износот на богатството со 4.7 милијарди долари. Ортега пак додал 2,1 милијарди долари во оваа година.
Безос во моментов располага со 10,4 милијарди долари помалку од Бил Гејтс, кој продолжува да ја зазема челната позиција со 86 милијарди долари.
Аналитичарите на „Barclays“ сметаат дека финансиските резултати на „Amazon“ за 2017-та година ќе се значително подобри од очекуваните, што ќе им овозможи на акциите на компанијата да продолжат да поскапуваат.
Денес пазарната проценка на компанијата е 409 милијарди долари, но според „Barclays“ таа ќе е една од првите компании во светот, чија капитализација ќе ја мине границата од 1 илјада милијарда долари. Прашањето не е дали, туку кога.
Оттаму го поставуваат рејтингот „Buy“ („Купуваат“) на компанијата со цена таргет од 1.120 долари, што е околу 30% над вчерашното ниво на затворање.
